Argentina venesuelalik amaldorlar uchun mamlakatga kirishni taqiqladi

Argentina hukumati «Lima guruhi» davlatlari tomonidan Venesuelaga qarshi qabul qilingan choralarni amalga kiritmoqda. Xususan, ular Venesueladan bo‘lgan yuqori mansabdor amaldorlarning Argentinaga tashrifini taqiqlaydi, deya xabar beradi RIA «Novosti».

Bayonotda aytilishicha, bu choralar Venesuelada konstitutsiyaviy tuzum va qonun ustuvorligi «buzilgani» tufayli qabul qilindi.

«Argentina hukumati xabar beradiki, Venesuela hukumati ushbu mamlakat diplomatik va xizmat pasportlari egalari uchun vizasiz kirish to‘g‘risidagi bitim to‘xtatilishi borasida xabardor etildi», - deyiladi bayonotda.

Shuningdek, bayonotda ta'kidlanishicha, venesuelalik yuqori martabali amaldorlar endi Argentinaga tashrif buyura olmaydi.

Eslatib o‘tamiz, avvalroq Paragvay Venesuela bilan diplomatik aloqalarni uzgandi.