Венесуэла Перуни элчихонага ҳужумда айблади

Фото: facebook.com, pgjaarreaza.ve

Венесуэла ташқи ишлар вазири Хорхе Арреасанинг маълум қилишича, Перу пойтахти Лима шаҳридаги элчихонага ҳужум уюштирилган. Бу ҳақда у твиттердаги саҳифасида ёзди.

Венесуэла ТИВ раҳбарининг қайд этишича, Перу ҳукумати ҳужумга жавобгар саналади. Унинг қўшимча қилишича, «жиноятчилар тўдаси» дипломатик миссия биносига кирган, бироқ у улар нима қилганига аниқлик киритмади. Жабрланганлар ва мол-мулкка етказилган зарар ҳақида маълумот ҳам йўқ.

«Биз Вена конвенцияси бажарилишини талаб қиламиз», - дея хулоса қилган вазир.

Эслатиб ўтамиз, аввалроқ Аргентина венесуэлалик амалдорлар учун мамлакатга киришни тақиқлаганди.