Netanyaxu Isroil so‘nggi 36 soat ichida Suriyaga zarbalar berilganini tan oldi

Isroil bosh vaziri Binyamin Netanyaxu so‘nggi 36 soat ichida Isroil Suriyaga zarbalar berganini ma'lum qildi.  

"So‘nggi 36 soat ichida Isroil HHK Suriyadagi nishonlarga zarbalar berdi", dedi u.

Uning so‘zlariga ko‘ra, Isroil  mudofaa armiyasi Eron va "Hizbulloh" marralariga yuzlab zarbalar bergan.  

SANA agentligining xabar berishicha, Isroil Damashq aeroporti atrofidagi omborxona binosiga zarba bergan. Al Hadath telekanalining ma'lumotiga ko‘ra, Isroil samolyotlari aeroport yaqinidagi "Hizbulloh" foydalanayotgan Eron harbiy omborxonalariga hujum qilgan.