Jahon | 23:51 / 23.01.2019
23167
1 daqiqa o‘qiladi

Jyek Ma saratondan ham xavfliroq “kasallik” haqida so‘zladi

Foto: Vladimir Astapkovich / RIA Novosti

Xitoyning Alibaba Group internet-xoldingi asoschisi va rahbari Jyek Ma biznesni yuritish va xodimlarni ishga olishdagi o‘z qarashlari haqida so‘zlab berdi. U bu haqda Davosda o‘tayotgan Jahon iqtisodiy forumida aytib o‘tgan.

Ma uning jamoasidagi o‘ringa da'vogarlik qiladigan odam qanday jihatlarga ega bo‘lishi kerakligi haqidagi savolga asosiysi aql ekaninini ta'kidlab o‘tgan. “Agar siz ahmoq bo‘lsangiz, bu saratondan ham yomonroqdir. Saratonni davolash mumkin. Biroq ahmoq bo‘lsangiz, sizni davolab bo‘lmaydi”, deb aytgan tadbirkor.

Uning aytishicha, dunyodagi yetakchi tadbirkorlarning aksariyati hayotga optimistik qarashlari bilan ajralib turadilar. “Men turli sohalarda ko‘plab buyuk yetakchilarni ko‘rganman. Ular hech qachon shikoyat qilmaydilar”, deb aytgan Ma.

Шуҳрат Раҳимов
Tayyorlagan Шуҳрат Раҳимов
Kun.uz yangiliklarini Google News'da kuzating
+ Obuna bo'lish

Mavzuga oid