Rossiyalik milliarder sanksiyalar sababli biznes-samolyotidan ayrildi

Rossiyalik tadbirkor Boris Rotenberg AQSh moliya vazirligi sanksiyalari sababli o‘z biznes-jyetidan ayrildi.

"Sanksiyalar joriy etilganidan so‘ng bank samolyot egasi bo‘lgan Damstone Limited kompaniyasi to‘lovlarini qabul qilmay qo‘ydi va hech qanday ogohlantirishsiz samolyotni sotib yubordi. Samolyot narxi bank tomonidan belgilangan", deb ma'lum qildi Boris Rotenbergning vakili RIA Novostiga.

Avvalroq Forbes o‘z manbalariga tayanib sanksiyalar sababli Arkadiy Rotenberg ham o‘z samolyotidan mahrum bo‘lganini xabar qildi.

Nashrning yozishicha, Boris Rotenbergning narxi 25 million dollar bo‘lgan Bombardier Global 5000 samolyoti Kiprdagi Damstone Limited kompaniyasi, Arkadiy Rotenbergning narxi 15 million dollar turadigan samolyoti esa Olpon Investment Limited kompaniyasi hisobida turgan.