Qozog‘istonda “O‘zbekiston zamonaviy san'ati” tasviriy san'at asarlari ko‘rgazmasi va “Zamonaviy O‘zbekiston” fotoko‘rgazmasi o‘tkaziladi 

Qozog‘istonning Astana shahrida “O‘zbekiston zamonaviy san'ati” tasviriy san'at asarlari ko‘rgazmasi hamda “Zamonaviy O‘zbekiston” fotoko‘rgazmasi o‘tkaziladi. 

Ko‘rgazma 1 fevraldan 1 martga qadar o‘tkazilishi rejalashtirilgan.

Unda o‘zbekistonlik o‘ndan ortiq mo‘yqalam ustalarining qirqdan ortiq asarlari va “Zamonaviy O‘zbekiston” mavzusidagi 100ta fotoasar namoyish etiladi.

Ko‘rgazma O‘zbekiston va Qozog‘iston o‘rtasida ikki tomonlama madaniy-gumanitar aloqalarni yanada rivojlantirish maqsadida o‘tkazilmoqda.