Sirdaryoda uch shaxs 14 mln so‘mlik temir simlarni o‘g‘irlab, 25 mln so‘mlik karam ko‘chatlarini ham nobud qildi

2019 yil 26 yanvar kuni Sirdaryo tumanida “Shirin” MFYda yashovchi M.X. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U 2018 yil 30 dekabrga o‘tar kechasi noma'lum shaxslar “Furqat” MFY hududida joylashgan korxonaga qarashli issiqxonadan umumiy qiymati 14 850 000 so‘mlik 8 diametrli temir simlarini o‘g‘irlab, jami 25 440 000 so‘mlik karam ko‘chatlarini nobud qilganliklarini ma'lum qilgan.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni “Furqat” MFY Oydin yo‘l ko‘chasida yashovchi M.Q., T.G. va M.A.lar sodir etganliklari aniqlanib, ushlanganlar. 

Tergov harakatlari davom etmoqda, deyiladi xabarda.