Telegraph: London mablag‘ yetishmasligi sababli F-35 qiruvchi samolyotlarini sotib olishdan voz kechishi mumkin

Buyuk Britaniya 7 mlrd funt sterling miqdoridagi moliyaviy yetishmovchilik sababli Amerikada ishlab chiqarilgan F-35 Lightning II qiruvchi samolyotlarini sotib olish rejasidan voz kechishi mumkin. Bu haqda The Daily Telegraph gazetasi xabar berdi.

Gap Birlashgan Qirollikning yaqin o‘n yil ichida 138 dona F-35 samolyoti sotib olish dasturi haqida bormoqda.

Buyuk Britaniya 2025 yilga qadar 48 dona qiruvchi samolyot yetkazib berilishi bo‘yicha 9,1 mlrd funt sterlingga teng shartnoma imzolagan, deb yozadi nashr. 

Ayni paytda mamlakat mudofaa vazirligi 2018 yildan 2028 yilgacha mudofaa ehtiyojlari uchun 193,3 mlrd funt sterling sarflashi taxmin qilingan, budjetda esa zaxira moliyalashtirishni ham qo‘shib hisoblaganda 186,4 mlrd ajratilgan.