8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

21:29 / 02.02.2019 14502

АҚШ тақиқланган ракеталарни ишлаб чиқаришга уринаётгани маълум қилинди

Фото: Reuters

АҚШ Ўрта ва кичик масофаларга мўлжалланган ракеталарни йўқ қилиш тўғрисидаги шартномадан икки йил аввал чиқишга қарор қилган ва ўшандан буён ушбу ҳужжатда тақиқланган ракеталарни ишлаб чиқаришга тайёргарлик кўрмоқда. Бу ҳақда Россия мудофаа вазирлигига таяниб РИА Новости хабар берди.

Маълумотларга кўра, 2017 йил июнда Аризона штатининг Тусон шаҳридаги Raytheon ҳарбий-саноат компанияси заводида ишлаб чиқариш қувватини ошириш ва модернизация қилиш дастури бошланган. Корхона майдони 55 мингдан 79 минг квадрат метрга кенгайтирилган, ходимлар сони қарийб 2 минг кишига ошган.

Мудофаа вазирлигининг қайд этишича, 2017 йил ноябрда АҚШ конгресси Пентагонга 58 миллион долларга яқин пул ажратган ва бу маблағ «ўрта масофага мўлжалланган ерусти ракетасини ишлаб чиқариш» учунлигини билдирган.

2 февраль куни Россия ва АҚШ Ўрта ва кичик масофаларга мўлжалланган ракеталарни йўқ қилиш тўғрисидаги шартномадаги иштирокларини тўхтатишини маълум қилди. 

Теглар

Top