Niderlandiyada velosiped mingan holda smartfondan foydalanganlarga jarima solinadi

Niderlandiyada velosiped mingan holda maxsus hands-free garniturasisiz gadjetdan foydalanganlarga jarima solinadi, deb xabar berdi "YevroPuls".

Mamlakat transport vazirligining ma'lumotiga ko‘ra, gollandiyalik velosipedchilarning yarmiga yaqini velosiped boshqarib ketayotgan chog‘ida smartfonlariga chalg‘ib qoladi. 25 yoshgacha bo‘lgan velosipedchilar ishtirokidagi har beshinchi YTHga smartfonlar sabab bo‘lmoqda.

Yangi qonun shu yilning 1 iyulidan kuchga kiradi. Jarima miqdori 95 yevroni tashkil etadi. Taqqoslash uchun: velosipedchi qizil chiroqda o‘tgani uchun xuddi shu miqdorda, mast holda velosiped boshqargani uchun 100 yevro jarima to‘laydi.