Istanbulning Kartol tumanidagi 8 qavatli uyning qulashi oqibatida halok bo‘lganlar soni 10 kishiga yetdi. Bu haqda shahar ma'muriyati xabarida aytildi.
Avvalroq 6 kishi halok bo‘lgani, 13 kishi jarohat olgani ma'lum qilingandi. Qutqaruvchilar bir kundan ortiqroq vaqtdan beri vayronalarni tozalash ishlarini olib borishmoqda.
Uyning qulashiga uning yuqorigi 3 qavatining noqonuniy qurilgani olib kelgan bo‘lishi mumkinligi taxmin qilinmoqda.
Uy 6 fevral kuni kunduzi qulab tushgan. Ta'kidlanishicha, undagi 14 ta xonadonda 43 kishi ro‘yxatdan o‘tgan bo‘lgan.