Фото: REUTERS
Истанбулнинг Картол туманидаги 8 қаватли уйнинг қулаши оқибатида ҳалок бўлганлар сони 10 кишига етди. Бу ҳақда шаҳар маъмурияти хабарида айтилди.
Аввалроқ 6 киши ҳалок бўлгани, 13 киши жароҳат олгани маълум қилинганди. Қутқарувчилар бир кундан ортиқроқ вақтдан бери вайроналарни тозалаш ишларини олиб боришмоқда.
Уйнинг қулашига унинг юқориги 3 қаватининг ноқонуний қурилгани олиб келган бўлиши мумкинлиги тахмин қилинмоқда.
Уй 6 февраль куни кундузи қулаб тушган. Таъкидланишича, ундаги 14 та хонадонда 43 киши рўйхатдан ўтган бўлган.
