2019 yil 7 fevral kuni Samarqand shahrida yashovchi A.T. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
U shu yil 25 yanvarga o‘tar kechasi noma'lum shaxslar Beruniy ko‘chasida joylashgan korxona omborxonasidan umumiy qiymati 242 952 533 so‘mlik, 129 turdagi dori-darmon vositalarini o‘g‘irlab ketganligini ma'lum qilgan.
Ko‘rilgan choralar natijasida ushbu jinoyatni Jomboy tumani Xashdala ko‘chasida yashovchi A.A. va Muqimiy 7-berk ko‘chasida yashovchi Z.A. sodir etganliklari aniqlanib, ushlangan.
Holat yuzasidan O‘zbekiston Respublikasi Jinoyat kodeksining tegishli moddalariga muvofiq jinoyat ishi qo‘zg‘atilgan. Tergov harakatlari olib borilmoqda, deyiladi xabarda.
