Foto : NATO / Sgt. Joe Parrish
AQSh Afg‘onistondan qo‘shinlarini bir tomonlama tartibda olib chiqib ketishni rejalashtirmayapti, bu boradagi har qanday qaror NATO bilan kelishilgan holda qabul qilinadi. Bu haqda Pentagon rahbari vazifasini bajaruvchi Patrik Shanaxan Bryusselda bo‘lib o‘tgan mudofaa vazirlari uchrashuvi yakunida ma'lum qildi.
"Kuchlar bir tomonlama tartibda qisqartirilmaydi, bu o‘zaro hamkorlik doirasida kelishiladi", -dedi u jurnalistlarga.
Yanvar oyi oxirida AQSh prezidenti Donald Tramp Afg‘onistonda tinchlik o‘rnatish bo‘yicha kelishuvga erishilsa, qo‘shinlarini mamlakatdan olib chiqib ketishga tayyorligini bildirgandi. Afg‘onistonda AQSh qo‘shinlari 2001 yildan buyon bo‘lib turibdi.
