Turkiyada IShIDga aloqadorlikda gumon qilingan o‘nlab suriyaliklar qo‘lga olindi

Turkiya politsiyasi Bursa viloyatida IShID terrorchi guruhiga aloqadorlikda gumon qilingan 52 nafar suriyalikni qo‘lga olish operatsiyasini o‘tkazdi. Bu haqda NTV telekanali xabar berdi.

Qayd etilishicha, operatsiya beshta manzil bo‘yicha o‘tkazilgan.

Qo‘lga olinganlar mahalliy xavfsizlik boshqarmasi xodimlari tomonidan so‘roq qilinmoqda.

Suriyada qurolli nizo 2011 yildan buyon davom etmoqda. 2017 yil oxirida Suriya va Iroqdagi IShID terorchi guruhi ustidan g‘alaba qozonilganligi e'lon qilingandi.