Milliy xokkey ligasidagi «Vashington Kepitals» klubining rossiyalik hujumchisi Aleksandr Ovechkin Stenli kubogidagi g‘alabaga bag‘ishlab AQSh prezidenti Donald Tramp bilan bo‘lib o‘tadigan uchrashuvda Trampdan nima haqida so‘rashini aytdi. Uning so‘zlarini «Sport-Ekspress» keltirmoqda.
Ovechkin Tramp bilan uchrashuvga albatta borishini aytgan. Xokkeychining so‘zlariga ko‘ra, u Trampdan AQSh va Rossiya o‘rtasidagi munosabatlar qachon yaxshilanishini so‘ramoqchi.
Ovechkinning qayd etishicha, u siyosatdan uzoqda.
«Siyosat bu alohida suhbat. Men uchun eng asosiysi, hamma sog‘-salomat va dunyoda tinchlik bo‘lishidir», — degan hujumchi.
Ovechkin 2005 yildan buyon «Vashington» tarkibida o‘ynaydi. O‘tgan mavsumda u faoliyatida ilk bor Stenli kubogini qo‘lga kiritdi.