Foto: KUN.UZ
Xodimlari Toshkentda propiska olishi mumkin bo‘lgan davlat organlari va boshqa davlat tashkilotlari soni ko‘paydi. Bu haqda Adliya vazirligi telegram kanali xabar bermoqda.
Qayd etilishicha, hukumat qarori bilan prezident huzuridagi Tadbirkorlik sub'yektlarining huquqlari va qonuniy manfaatlarini himoya qilish bo‘yicha vakil devoni Rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat organlari va boshqa davlat tashkilotlari ro‘yxatiga kiritilgan.
Eslatib o‘tamiz, Ro‘yxatda shu paytgacha 78 ta tashkilot mavjud edi.
Avvalroq, xodimlari Toshkentda propiska olishi mumkin bo‘lgan tashkilotlar soni ikkitaga ko‘paygandi.
