Saudiya Arabistoni Hindistonga yana 100 mlrd dollar sarmoya qilishga tayyorligini bildirdi 

Saudiya Arabistoni valiahd shahzodasi Muhammad bin Salmon Hindiston hukumatiga mamlakat iqtisodiyotiga qo‘shimcha yana 100 mlrd dollardan ziyodroq mablag‘ kiritishga va'da berdi.  

20 fevralda Nyu-Dehlida tomonlar energetika, uy-joy qurilishi, axborot texnologiyalari va turizm kabi sohalarda hamkorlik qilish bo‘yicha 5 ta kelishuvni imzolashgan.

Valiahd shahzodaning aytishicha, “Hindiston bosh vaziri Narendra Modi Saudiya Arabistoniga oxirgi marta 2016 yilda tashrif buyurgan”. “Biz Hindiston iqtisodiyotiga 44 mlrd dollarga yaqin sarmoya kiritganmiz”, deb ta'kidlab o‘tgan shahzoda va yana 100 mlrd dollar kiritish imkoni borligini qo‘shimcha qilgan.