Tanishiga nisbatan bosqinchilik qilgan shaxs qo‘lga olindi

2019 yil 18 fevral kuni Toshkent viloyati Qibray tumani O‘nqo‘rg‘on mahallasida yashovchi B.H. mahalladoshi J.H. bilan Surxondaryo viloyatining Muzrabot tumanida yashovchi B.Ch. ismli tanishining uyiga kirgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ular uy egasi va uning rafiqasi hamda o‘rta maktabda tahsil oluvchi qizini urib, uyidan pullari va 2 dona “Samsung” rusumli mobil telefonlarini olib, voqea joyidan yashiringanlar.

Natijada B.Ch. tan jarohati bilan kasalxonaga yotqizilgan. Ko‘rilgan choralar natijasida B.H. va J.H. Qashqadaryo viloyati Chiroqchi tumanida joylashgan “Umakay” yo‘l patrul xizmati maskanida qo‘lga olindi. 

Holat yuzasidan jinoyat ishi qo‘zg‘atilib, tergov harakatlari olib borilmoqda.