Foto: Getty Images
«Yuventus» YeChL nimchorak finalining ilk o‘yinida «Atletiko»ga yutqazishi (0:2) ortidan bosh murabbiy Massimiliano Allegrining klubdagi kelajagi so‘roq ostida qolmoqda.
Tuttosport tarqatgan xabarga ko‘ra, Turin klubi rahbariyati jamoa YeChLda g‘olib chiqa olmagan taqdirda 51 yoshli mutaxassisni mavsum yakunida iste'foga chiqaradi.
«Yuve» «Real»ning sobiq ustozi Zinedin Zidanni Allegrining o‘rniga asosiy nomzod sifatida ko‘rmoqda. O‘z navbatida Zidan ham sobiq jamoasi atrofidagi vaziyatni kuzatib boryapti. Unga «Chelsi» va «Manchester Yunayted» klublari ham da'vogarlik qilishmoqda.
Zidan 1996-2001 yillarda «Yuventus» tarkibida o‘ynagan.
