Venesuela muxolifati yetakchisi Xuan Guaydo Karakasga qaytganini ma'lum qildi. U bu haqda tvitterdagi sahifasida ma'lum qildi.
"Jonajon yerimizdaman! Venesuela, biz hozirgina migratsiya nazoratini o‘tdik va shahrimizga yo‘l olmoqdamiz”, deb yozgan Guaydo.
Karakasning xalqaro aeroportida Guaydoning kelishini Germaniya, Ispaniya, Niderlandiya va boshqa davlatlar elchilari kutishgan.
Guaydo matbuot vakillari bilan aeroportda qisqacha muloqot qilgach, kichik kortejda aeroportni tark etgan.
Univision telekompaniyasi jurnalisti Guaydo Karakasga Panamadan Sora aviakompaniyasi reysi bilan kelganinini ma'lum qilgan.
Avvalroq Venesuela oliy sudi Guaydoga mamlakatni tark etishni taqiqlagan, biroq u mamlakatdan chiqib ketishga muvaffaq bo‘lgan. U 22 fevralda Kolumbiyaning Kukuta shahriga yetib kelgan. Shundan keyin u hafta ichida Kolumbiyadan tashqari, Braziliya, Paragvay, Argentina va Ekvadorga ham tashrif buyurgan.
