Dunyodagi ikkinchi bemor OIVdan xalos bo‘ldi

Buyuk Britaniyada donordan ilik ko‘chirilganidan so‘ng katta yoshli bemor OIVdan xalos bo‘lgan ikkinchi holat qayd etildi.

2007 yilda Germaniyada xuddi shu yo‘l bilan bir erkak davolangandi. The Guardian nashrining yozishicha, o‘sha kishida OIV-infeksiyasi hozirga qadar qayd etilmagan.

Shifokorlarning fikricha, bu usul istiqbolli emas va keng qo‘llanilish ehtimoli kam. Germaniyada qayd etilgan natijaga faqatgina oradan o‘n yil o‘tgach erishilgan, bungacha esa muvaffaqiyatsizliklarga duch kelingan. Buning asosiy sababi esa donor tanlashdagi murakkablikdir. Ya'ni bu usulni faqat alohida bemorlar uchungina qo‘llash mumkin.

Ammo bu tajriba bemor genetik kodini o‘zgartirish orqali uni davolash mumkinligini isbotlaydi.