8455.37 USD +4.00

9554.57 EUR +77.20

131.53 RUB +2.16

11060.5 GBP +43.26

19:11 / 06.03.2019 6645

ДТМ ходимлари Тошкентда прописка олиши мумкин бўлган ташкилотлар рўйхатига киритилди

Фото: KUN.UZ

Вазирлар Маҳкамасининг “Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига қўшимча киритиш ҳақида”ги қарори қабул қилинди.

Ҳужжат 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ Ўзбекистон Республикаси Вазирлар Маҳкамаси ҳузуридаги Давлат тест марказининг масъул ходимларига самарали фаолият юритиши учун зарур шарт-шароитлар яратиш ва республика ҳудудларидан юқори малакали мутахассисларни доимий меҳнат фаолиятига жалб этиш мақсадида қабул қилинди.

Қарорга кўра, Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига қуйидаги мазмундаги 67-банд қўшилди:

“67. Ўзбекистон Республикаси Вазирлар Маҳкамаси ҳузуридаги Давлат тест маркази”.

Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштиради.

Мазкур қарорнинг бажарилишини назорат қилиш Ўзбекистон Республикаси бош вазирининг ўринбосари А.Абдуҳакимов, Ўзбекистон Республикаси ички ишлар вазири П.Бобожонов ва Ўзбекистон Республикаси Вазирлар Маҳкамаси ҳузуридаги Давлат тест маркази директори зиммасига юкланди.

Эслатиб ўтамиз, аввалроқ чет эл фуқаролари ҳамда фуқаролиги бўлмаган шахсларни Тошкентда прописка қилиш бўйича йўриқномага ўзгартириш ва қўшимчалар киритилганди.

Top