7 mart kuni Toshkentdagi ayrim ko‘chalarda transport harakati qisman cheklanishi mumkin

Toshkent shahar Yo‘l harakatini tashkil etish markazi hamda IIBB YHXB tomonidan 7 mart soat 9.00 dan 19:00 ga qadar poytaxtning ayrim ko‘chalarida yo‘l qatnov qismlarining chiziqlarini chizish ishlari amalga oshiriladi.

Toshkent shahar hokimligi matbuot xizmati xabariga ko‘ra, ushbu ko‘chalar: 

Islom Karimov ko‘chasining Islom Karimov — Amir Temur chorrahasidan Islom Karimov – Sharof Rashidov chorrahasiga qadar bo‘lgan qismida;

Shahrisabz ko‘chasining Shahrisabz — Istiqbol chorrahasidan Shahrisabz – Mustaqillik chorrahasiga qadar bo‘lgan qismida.

Yo‘l qatnov qismlarining chiziqlarini chizish ishlari paytida transportlar harakati qisman cheklanishi mumkin.

“Yuzaga keladigan noqulayliklar uchun poytaxt ma'muriyati uzr so‘raydi”, - deyiladi xabarda.

Bundan oldin, Toshkent shahrida 70 dan ortiq ko‘cha ta'mirlanishi xabar berilgandi.