Meksikada yuk mashinasining avtohalokatga uchrashi 25 kishining hayotiga zomin bo‘ldi

7 mart kechki vaqt Meksika janubidagi Chyapas shtatida Markaziy Amerikadan muhojirlarni olib ketayotgan yuk mashinasi ag‘darilib ketishi oqibatida 25 kishi halok bo‘lgan.

Shtat bosh prokuraturasida ma'lum qilinishicha, avtohalokat Fransisko-Sarabiya aholi punktidan 5 km uzoqlikda yuz bergan. Yo‘l-transport hodisasida yana 30 kishi jarohat olgan. 

Ayni vaqtda tergov olib borilmoqda. Ba'zi ma'lumotlarga ko‘ra, davlat raqami bo‘lmagan yuk mashinasining haydovchisi boshqaruvni qo‘ldan chiqargandan keyin mashina ag‘darilib, jarlikka tushib ketgan.