Braziliyada uran olib ketayotgan konvoyga hujum qilindi 

19 mart kuni Braziliyaning Rio-de-Janeyro shtatidagi Angra-dush-Reysh shahrida uran yukiga soqchilik qilib ketayotgan politsiya konvoyiga hujum qilindi.

Brasil axborot agentligining ma'lum qilishicha, bu radioaktiv modda Angra 1 va Angra 2 atom elektr stansiyalari ishida qo‘llanadi.

Politsiya ma'lumotlariga ko‘ra, uning xodimlari qurollangan bosqinchilarning hujumini qaytargan, yaralanganlar va qo‘lga olinganlar yo‘q, uranga zarar yetmagan.