Bangladeshlik ayolning bir oyda ikki marta ko‘zi yoridi

Bangladeshda ayolning bir oyda ikki marta ko‘zi yoridi. Bu haqda Asia One xabar bermoqda.

Mavjud ma'lumotlarga qaraganda, gap 20 yoshli Arifa Sulton haqida ketmoqda. Fevral oyida ayol o‘g‘il farzandli bo‘lgan, lekin oradan 26 kun o‘tib u yana tug‘ruqxonaga olib kelingan. Ma'lum bo‘lishicha, ayolda ikkita bachadon bo‘lib, ikkinchisida yana ikkita homila rivojlangan, shuning uchun u ko‘rsatilgan davrdan so‘ng turli jinsga ega egizaklarni dunyoga keltirishga muvaffaq bo‘ldi.

Aniqlik kiritilishicha, birinchi tug‘ruq paytida shifokorlar ikkinchi bachadonni payqashmagan.