Eron oliy yetakchisi Iroqni mamlakatdan AQSh qo‘shinlarini tezroq chiqarib yuborishga chaqirdi

Eron oliy yetakchisi oyatulloh Ali Hameneiy Iroq bosh vaziri Odil Abdul Mahdiy bilan uchrashuvda qo‘shni davlatni Amerika qo‘shinlarini tezroq chiqarib yuborishga chaqirdi.

"AQSh o‘z qo‘shinlarini Iroqdan iloji boricha tezroq olib chiqib ketishi uchun zarur choralarni ko‘rishingiz zarur", - deyiladi oliy yetakchining saytida e'lon qilingan iqtibosda.

Hameneiyning so‘zlariga ko‘ra, amerikalik harbiylar u yoki bu mamlakatda qanchalik uzoq vaqt qolishsa, ularni chiqarib yuborishga erishish shunchalik qiyin bo‘ladi.

Abdul Mahdi 6 aprel kuni Eron prezidentining taklifiga ko‘ra Tehronga ikki kunlik tashrif bilan keldi.