Yevroittifoq Eronga qarshi sanksiyalarni bir yilga uzaytirdi

Yevroittifoq "inson huquqlari buzilishi sababli" Eronga nisbatan joriy etilgan sanksiyalarni bir yilga uzaytirdi. Bu haqda YeI kengashi bayonotida aytiladi. 

"Bugun kengash Eronda inson huquqlari jiddiy buzilishiga javoban cheklov choralarini 2020 yil 13 aprelgacha uzaytirdi", - deyiladi bayonotda.

YeI sanksiyalari Eronda inson huquqlari buzilishi sababli 2011 yilda joriy etilgandi. Sanksiyalar 82 nafar shaxs va bir tashkilotga nisbatan kiritilgan. Ularning barchasiga Yevroittifoq hududiga kirish taqiqlangan, ularning Yevropa banklarida aktivlari bo‘lsa, muzlatiladi.