AQShning yana bir yuqori lavozimli amaldori iste'foga chiqdi – CNN

AQSh chegara xizmati rahbari vazifasini bajarayotgan Ronald Vitello iste'foga chiqdi. Bu haqda CNN telekanali xabar berdi.  

Telekanal ma'lumotlariga ko‘ra, Vitello bu haqda chegara xizmati xodimlariga maktub orqali ma'lum qilgan.

Ta'kidlanishicha, bu qaror AQSh prezidenti Donald Tramp Vitelloni doimiy asosda chegara xizmati boshlig‘i etib tasdiqlashdan bosh tortgani bilan bog‘liq.

Vitello o‘z lavozimidan 12 aprelda ketishini ta'kidlab o‘tgan.

Avvalroq AQShning ichki xavfsizlik vaziri Kirsten Nilsen iste'foga chiqarilgani sababli 10 aprelda o‘z lavozimini tark etishi ma'lum qilingandi.

Shuningdek, 9 aprelda AQSh prezidenti Donald Tramp AQSh maxfiy xizmati rahbari Rendolf Allesni ishdan olgandi.