Suriya, Iroq va Eron o‘z temir yo‘llarini yagona tarmoqqa birlashtirmoqchi

Suriya, Iroq va Eron o‘z temir yo‘llarini yagona tarmoqqa birlashtirmoqchi, bu masala bo‘yicha uchrashuv o‘tkazish rejalashtirilmoqda, deb xabar berdi al-Watan gazetasi Suriya transport vazirligidagi manbasiga tayanib.

"Hozirda Suriya, Eron va Iroq temir yo‘llarini birlashtirish bo‘yicha loyihani qayta tiklash ustida ish olib borilmoqda, mamlakatlar vakillari o‘rtasida uchrashuv o‘tkazish muddati aniqlanmoqda", - dedi manba.

Ushbu strategik loyiha 2011 yilda boshlangan, ammo Suriyadagi inqiroz sababli to‘xtatib qo‘yilgandi.

Manbaning so‘zlariga ko‘ra, loyihaning maqsadi Iroq va Eronning Suriya portlariga chiqishini ta'minlash, kelajakda esa temir yo‘llarni Xitoygacha uzaytirishdir.

Avvalroq Iroq temir yo‘l kompaniyasi rahbari Tolib al Husayniy uch davlat temir yo‘llarini birlashtirish bo‘yicha uchrashuv rejalashtirilayotgani haqida ma'lum qilgandi.