Namanganda 80 mln so‘mlik ayollar ro‘mollarini o‘g‘irlab ketgan shaxslar ushlandi

2019 yil 11 aprelga o‘tar kechasi noma'lum shaxslar Namangan shahri Chorsu mahallasida joylashgan MChJga qarashli binoning yerto‘lasi eshigini buzib kirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, bu shaxslar u yerdan fuqaro I.I.ga tegishli umumiy qiymati 80 mln. so‘mlik ayollar ro‘mollarini o‘g‘irlab ketganlar.

Ko‘rilgan choralar natijasida ushbu jinoyatni Namangan shahar Sanoat mahallasida yashovchi Sh.Sh., Go‘zal mahallasida yashovchi M.U. va Xaqiqat mahallasida yashovchi N.B.lar sodir etganliklari aniqlanib, ushlanganlar. 

Holat yuzasidan jinoyat ishi qo‘zg‘atilib, tergov harakatlari olib borilmoqda, deyiladi xabarda.