MDH davlatlari ichki ishlar vazirlari Kengashining navbatdagi yig‘ilishiga tayyorgarlik boshlandi

Bugun Toshkent shahridagi “International Hotel Tashkent” mehmonxonasida Mustaqil Davlatlar Hamdo‘stligi ishtirokchi-davlatlarining ichki ishlar vazirlari Kengashining navbatdagi yig‘ilishiga tayyorgarlik doirasida MDH ishtirokchi davlatlar IIV/Politsiya ekspertlarining yig‘ilishi bo‘lib o‘tadi.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, mazkur tadbirda Ozarboyjon Respublikasi IIV, Armaniston Respublikasi politsiyasi, Belarus, Qozog‘iston, Qirg‘iziston Respublikalari IIV, Rossiya Federatsiyasi IIV, Tojikiston Respublikasi IIV, Turkmaniston IIV, O‘zbekiston Respublikasi IIV hamda Uyushgan jinoyatchilik va boshqa xavfli turdagi jinoyatchilikka qarshi kurashni muvofiqlashtirish bo‘yicha Byuro ekspertlari ishtirok etadilar.

Ushbu tadbirda MDH ishtirokchi-davlatlari ichki ishlar vazirlari Kengashining navbatdagi yig‘ilishiga tayyorgarlik jarayoni, boshqa dolzarb masalalar muhokama qilinadi.