Hindistonning Ximachal-Pradesh shtatida avtobus jarlikka qulashi oqibatida kamida o‘n ikki kishi halok bo‘ldi. Bu haqda ANI agentligi xabar bermoqda.
Agentlikning ma'lumot berishicha, hodisa Chamba okrugida sodir bo‘lgan.
Dastlab sakkiz kishi halok bo‘lgani xabar qilingan, keyinroq esa ularning soni 12 nafarga yetgan.
Halokat sababi hozircha aniqlanmagan. Qayd etilishicha, politsiya mazkur hodisa bo‘yicha surishtiruv o‘tkazmoqda.