Samarqandda avtomashina to‘rt kishini urib yubordi, ulardan uch nafari halok bo‘ldi

Shu yilning 24 aprel kuni soat 00:20 da Navoiy viloyatida yashovchi fuqaro B.I. o‘z boshqaruvida bo‘lgan “HOWO Sinotruck” rusumli avtomashinasida Narpay tumani Oltio‘g‘il mahallasida yashovchi 4 nafar fuqaroni urib yuborgan. 

Zarnews’ning Samarqand viloyati IIB YHXBga asosan yozishicha, voqea oqibatida 3 nafar yo‘lovchi voqea joyida vafot etadi, bir nafar fuqaro tan jarohati olib, shifoxonaga yotqizilgan.

Qayd etilishicha, 26 aprel kuni mazkur hodisa Samarqand viloyati IIB Yo‘l harakati xavfsizligi boshqarmasi boshlig‘i o‘rinbosari ishtirokida Oltio‘g‘il va  Bedan mahallalari aholisi bilan birga muhokama etilgan.

Uchrashuvda ushbu mudhish yo‘l-transport hodisasiga sabab bo‘lgan omillar tahlil etilib, yo‘llarda harakatlanishda amaldagi qoidalarga qat'iy rioya qilish lozimligi ta'kidlandi, deyiladi xabarda.