Xitoy tashqi ishlar vaziri Van I AQSh davlat kotibi Mayk Pompeo bilan telefon orqali muloqot chog‘ida Vashingtonning Pekinga nisbatan oxirgi harakatlari munosabati bilan norozilik bildirdi va "juda chuqur ketmaslikka" chaqirdi. Bu haqda XXR tashqi ishlar vazirligi xabarida aytiladi.
Xitoy vaziri keyingi paytda Amerika tomoni turli harakatlar va bayonotlar bilan, xususan Xitoy kompaniyalari faoliyatiga siyosiy usullar orqali ta'sir ko‘rsatib Xitoy manfaatlariga ziyon yetkazayotganligini qayd etgan.
"Xitoy tomoni ushbu munosabat bilan qat'iy norozilik bildiradi. Biz Amerika tomonini juda chuqurlashib ketmaslikka chaqiramiz", - deya iqtibos keltiriladi Xitoy TIV saytida Van Ining so‘zlaridan.
