23:46 / 24.05.2019
6246
Эверестдан тушиш вақтида икки алпинист ҳалок бўлди
Фото: Thomas Senf/Red Bull Content Pool

Дунёнинг энг баланд чўққиси Эверестдан тушиш вақтида икки алпинист ҳалок бўлди. Бу ҳақда Himalayan Times нашри хабар берди. 

Таъкидланишича, тоғнинг Тибет томони ва бошқа бир участкасидан тушаётган австриялик ва ҳиндистонлик икки алпинист жон берган.  

Маълум қилинишича, алпинистлар тоғдан тушишда ўзларини ёмон ҳис қила бошлаганлар. Бироздан кейин икковлари ҳам жон беришган.

Эверестда май ойида 6 киши, йил бошидан эса 12 киши бахтсиз ҳодисалар қурбонига айланди. Охирги рақам Эверестда алпинистларнинг ҳалокати сони кўпайиши тенденциясини намойиш қилмоқда, чунки статистика бўйича йилига у ерда 10 дан кўп алпинист ҳалок бўлмаган.

Top