Germaniya prezidenti UrDU talabalari bilan uchrashadi 

O‘zbekiston Respublikasi prezidenti Shavkat Mirziyoyevning taklifiga binoan Germaniya Federativ Respublikasi prezidenti Frank-Valter Shtaynmayyer joriy yil 27-29 may kunlari rasmiy tashrif bilan mamlakatda bo‘ladi.

Oliy va o‘rta maxsus ta'lim vazirligi xabariga ko‘ra, tashrif doirasida Frank-Valter Shtaynmayyer Xorazm viloyatiga tashrif buyurib, Urganch davlat universiteti professor-o‘qituvchilari va talabalari bilan uchrashadi.

Tashrif yakunida iqtisodiyot, moliya, ta'lim va boshqa sohalarda ikki tomonlama munosabatlarni yanada kengaytirishga qaratilgan kelishuvlar imzolanishi kutilmoqda.