AQSh Eronning BAA sohillaridagi tankerlarga qilingan hujumga aloqadorligini isbotlamoqchi 

AQSh BMT Xavfsizlik kengashida Eronning BAA suvlaridagi to‘rtta tankeriga qilingan hujumga aloqadorligini isbotlash niyatida. Bu haqda AQSh prezidentining milliy xavfsizlik bo‘yicha maslahatchisi Jon Boltonga tayanib Reuters xabar berdi.

Agentlikning ma'lumot berishicha, Bolton kelgusi haftada dalillar taqdim etilishini aytgan.

Eslatib o‘tamiz, 12 may kuni turli davlatlarga taalluqli to‘rt savdo kemasi Birlashgan Arab Amirliklarining sharqida joylashgan Fujayra bandargohi hududida hujumga duchor bo‘lgan. 

Diversiya obektlari bo‘lgan to‘rt kemadan ikkitasi Saudiya Arabistonining neft tankerlaridir.