9061 USD +179.00

10092.1 EUR +163.84

138.47 RUB +2.09

10926.7 GBP +151.91

20:47 / 03.06.2019 6391

Могерини Евроиттифоқ давлатларига Россияга қарши санкцияларни узайтиришни таклиф қилди

Фото: Jasper Juinen / Bloomberg

Европа дипломатияси раҳбари Федерика Могерини ЕИга аъзо давлатларга Қрим ва Севастополнинг аннексия қилиниши муносабати билан Россияга нисбатан жорий этилган санкцияларни 2020 йил 23 июнгача узайтиришни таклиф қилди. Бу ҳақда Bloomberg хабар бермоқда.

Агентлик ҳавола этган ҳужжатда қайд этилишича, Европа Иттифоқи «Қрим ва Севастополнинг Россия томонидан ноқонуний аннексия қилинишини тан олмайди ва қоралашда давом этади».

Хабарда айтилишича, ушбу ҳужжат 6 июнь куни Брюсселда муҳокама қилинади.

Евроиттифоқ март ойи ўрталарида ушбу ҳолат муносабати билан саккиз нафар россияликка нисбатан санкция киритганди.

Яна бир нечта иқтисодий санкциялар 2014 йилдан буён амал қилиб келмоқда ва мунтазам равишда узайтириб келинади.

Top