O‘zbekiston Respublikasi normativ-huquqiy hujjatlar loyihalari portalida Ichki ishlar vazirligi tomonidan tayyorlangan «O‘zbekiston Respublikasida ommaviy tadbirlarni o‘tkazish to‘g‘risida»gi qonun loyihasi muhokamaga qo‘yildi.

Ushbu qonun maqsadi O‘zbekiston Respublikasida ommaviy tadbirlarni tashkil etish va o‘tkazish sohasidagi munosabatlarni tartibga solish maqsadida ishlab chiqilgan.

Hujjatda ommaviy tadbir tushunchasiga ta'rif berilgan – 100 va undan ko‘p kishilarning ishtirokida ijtimoiy-siyosiy (anjumanlar, konferensiyalar, s'yezdlar va boshqalar), madaniy-ommaviy va ko‘ngilochar-tomosha dasturlari (musiqiy, adabiy va boshqa festivallar, konsert, teatr, sport, reklama tadbirlari, xalq sayillari, sirk, milliy namoyishlar va o‘yinlar, ko‘rik-tanlovlar
va boshqalar), shuningdek umumxalq, diniy, kasb bayramlarini o‘tkazish maqsadida ommaviy tadbirni o‘tkazish obektida tashkil qilinadigan fuqarolarning birgalikda qatnashishlari.

Ommaviy tadbirlar ikki toifaga ajratilgan: 

– 200 va undan ko‘p kishilar ishtirokida Toshkent, Nukus shaharlari va viloyat markazlari hududida o‘tkaziladigan ommaviy tadbir;

– birinchi toifaga kirmaydigan ommaviy tadbir;

Ommaviy tadbirlar ijtimoiy-siyosiy, madaniy, sport va boshqa turda bo‘ladi.

Ommaviy tadbirlarni tashkil qilish va o‘tkazishga maxsus komissiya (ommaviy tadbirlarni tashkil qilish va o‘tkazish tartibiga rioya etilishini nazorat qilish vakolatiga ega bo‘lgan shaxslar guruhi) ruxsat berishi kerak bo‘ladi.

Qonunning 7-moddasida ommaviy tadbirlarni o‘tkazishning umumiy shartlari belgilangan.

  • ommaviy tadbirning ishtirokchisi tomonidan ommaviy tadbirni tayyorlash va o‘tkazishni tartibga soluvchi ushbu Qonun va boshqa qonun hujjatlari normalari talablariga majburiy rioya qilinishi;
  • ommaviy tadbir ishtirokchisining ushbu Qonunda belgilangan talablarga javob berishi;
  • ommaviy tadbirning ushbu Qonun talablariga javob beradigan ommaviy tadbirni o‘tkazish obektida o‘tkazilishini ta'minlash;
  • ommaviy tadbirlar ochiq maydonlarda o‘tkazilgan xollarda hududning xususiyatidan kelib chiqqan xolda tashrif buyuruvchilar sonini oldindan belgilash;
  • ommaviy tadbir o‘tkazilishining joyi va vaqti bo‘yicha boshqa ommaviy tadbir bilan to‘g‘ri kelib qolmasligi;