8562.34 USD +26.60

9731.96 EUR +165.96

135.34 RUB +2.77

10908.4 GBP +161.92

08:20 / 12.06.2019 13771

Қатарда ЖЧ-2022 объектлари қурилишида мингдан кўпроқ непаллик ҳалок бўлган – ОАВ

Фото: Bernd von Jutrczenka, dpa, Globallookpress

Қатарда футбол бўйича 2022 йилги жаҳон чемпионатига стадионлар қурилишида камида 1400 нафар непаллик қурувчи ҳалок бўлган. Arab News нашрининг хабар беришича, непаллик қурувчиларнинг Қатардаги объектлар қурилишида ҳалок бўлганини Непал ҳукумати тасдиқлаган.

Маълум қилинишича, Қатарда қурувчилар ёмон шароитларда яшашади ва хавфли қурилиш майдонларида ишлашади. Непал меҳнат вазирлиги вакили Нараян Рагмининг таъкидлашича, ҳалок бўлганларнинг аниқ сонини ҳукуматдан аниқлаштириш керак.

“Кўплаб непаллик ишчилар Қатарда ҳалок бўлишган. Биз Қатарга ишчилар юборишни бошлаганимиздан бери улардан баъзилари ҳалок бўлган. Бироқ мен ҳалок бўлганлар 1400 нафар эканлиги аниқ рақам эканлигига ишончим комил эмас”, деб айтган Непал вакили. 

Бу ҳақидаги маълумот WDR немис телекомпаниясининг ҳужжатли фильмида пайдо бўлган. Фильмда ҳалок бўлганлар яқинларининг айтишича, улар Қатардан ҳеч қандай компенсация олишмаган. Таъкидланишича, иш берувчиларга нисбатан иш қўзғатишга ҳали муваффақ бўлинмаган.

Непал ҳукумати маълумотларига кўра, Қатарда бахтсиз ҳодисалар ва яшаш ҳамда ишлаш учун ёмон шароитлар оқибатида ҳар йили 110 га яқин непаллик ҳалок бўлади. Мухбирларнинг айтишича, қурувчилар хавфсизликнинг пала-партиш таъминлангани сабабли ўладилар. Улар ёмон шароитларда яшайдилар, иссиқ ҳавода ва тегишли ҳужжатларсиз ишлайдилар, оз маош оладилар. 

Top