07:40 / 23.06.2019
18719
Трамп Эронга зарба бериш ҳақидаги буйруғини бекор қилмаган
Фото: EPA-EFE/JIM LO SCALZO

АҚШ президенти Дональд Трамп Эронга зарба бериш ҳақидаги буйруғини бекор қилмай, шунчаки унинг жорий босқичда бажарилишини тўхтатган. Трамп бу ҳақда твиттерда маълум қилди.

“Мен ОАВда нотўғри хабар қилинаётгандек, Эронга зарба бериш ҳақидаги буйруқни қайтариб олмаганман, мен фақатгина жорий босқичда уни тўхтатдим”, деб ёзган Трамп.

Эрон ҳарбийлари 20 июнда АҚШ ҳарбий-денгиз кучларининг RQ-4 разведка олиб борувчи дронини уриб туширишган. АҚШ бунга жавобан Эрондаги учта объектга зарба беришни кўзда тутувчи ҳарбий операцияни тайёрлаган. Трампнинг айтишича, у ушбу операция бошланишига 10 дақиқа қолганда уни ўтказмасликка буйруқ берган.

Top