Xorazmda qo‘shnisiga yordam berish uchun chiqqan yigit bir insonning umriga zomin bo‘ldi

2019 yil 1 iyul kuni soat 01:30larda Xorazm viloyatining Bog‘ot tumanida yashovchi 41 yoshli D.R. ismli ayol uyida yordam so‘rab baqirganida qo‘shnisi, 21 yoshli M.R. yordamga chiqqan vaqtida uyi oldidan mahalladoshi 44 yoshli Sh.M. yugurib ketayotganligini ko‘rib, uning ortidan quvgan va oyog‘i bilan chalib yiqitib, boshiga tepgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, natijada Sh.M. kasalxonaga yotqizilib, ko‘rsatilgan tibbiy muolajalarga qaramay vafot etgan. 

Holat yuzasidan jinoyat ishi qo‘zg‘atilib, M.R. ushlangan. Tergov harakatlari olib borilmoqda, deyiladi xabarda.