Ukraina Chernobilning taqiqlangan hududidagi chegarada Rossiya qo‘shinlari borligini ma'lum qildi. Minsk bu xabarni rad etdi

Belarus mudofaa vazirligi Ukraina OAVda tarqalgan Chernobil taqiqlangan hududining Belarus qismida Rossiya qo‘shinlari borligi haqidagi xabarlarni rad etdi. 

"Tarmoqda tarqalgan go‘yoki "Chernobil taqiqlangan hududining Belarus qismida Rossiya qo‘shinlari borligi" haqidagi xabarlar haqiqatga mos kelmaydi", - deyiladi Belarus mudofaa vazirligi bayonotida.

Avvalroq Ukraina qurolli kuchlarining 61-alohida piyoda yegerlik brigadasi o‘zining Facebook sahifasida Chernobil taqiqlangan hududining Belarus qismida Ukraina chegarasi yaqinida Rossiya qo‘shinlari borligi haqidagi xabarni tekshirayotganini bildirgandi. Brigada rahbariyati ijtimoiy tarmoqlardagi guvohlarga tayanib chegara yaqinida Rossiya qo‘shinlari joylashganligi ehtimoli haqida rahbariyatga xabar qilgan, deb yozadi Belarusning tut.by portali.