Hindistonda chaqmoq urishdan 32 kishi halok bo‘ldi

Hindistonning Uttar-Pradesh shtatida chaqmoq urishdan 32 kishi halok bo‘ldi, 13 kishi jabrlandi. Bu haqda NDTV telekanali xabar berdi.  

Ta'kidlanishicha, 21 iyulda chaqmoq urishdan shtatning turli joylarida umumiy hisobda 32 kishi halok bo‘lgan. 

Shtat bosh vaziri Yogi Adityanatx odamlarning halok bo‘lishi yuzasidan hamdardlik bildirgan va mahalliy hokimiyatlarga qurbonlar oilalariga 400 ming rupiydan (5,8 dollar) kompensatsiya to‘lash hamda jabrlanganlarning zaruriy davolanishini ta'minlash vazifasini topshirgan.