Moskva va Anqara Turkiyada S-400 qismlarini ishlab chiqarish bo‘yicha muzokara olib bormoqda

Moskva va Anqara Turkiyada S-400 qismlarini ishlab chiqarish bo‘yicha muzokara olib bormoqda, deb ma'lum qildi "Rosoboroneksport" bosh direktori Aleksandr Mixeyev.
"Hozirda bu masala bo‘yicha hamkorlikni davom ettirish va Turkiyada tizimning ayrim qismlarini lisenzion ishlab chiqarishni tashkil etish borasida muzokaralar olib bormoqdamiz", - dedi Mixeyev ushbu davlatga S-400  tizimini yetkazib berishning birinchi bosqichi yakuni to‘g‘risida so‘zlarkan.
"Rosoboroneksport" Turkiyaga S-400 zenit-raketa majmualarini yetkazib berish bo‘yicha 2017 yil aprelda shartnoma imzolagandi.
Shartnomaga ko‘ra, Rossiya Turkiyaga qiymati 2,5 mlrd dollarlik to‘rtta S-400 divizionini yetkazib beradi.