Ukraina tomonidan ushlangan Rossiyaning NEYMA tankerida 15 nafar rossiyalikdan iborat ekipaj bo‘lgan, deb xabar berdi "Interfaks" o‘z manbasiga tayanib.
Manbaning so‘zlariga ko‘ra, tanker ekipaji so‘roq qilingan, ularning keyingi taqdiri noma'lum.
Rossiya tashqi ishlar vazirligi Rossiya agarda Ukraina rossiyalik dengizchilarni garovga olgan bo‘lsa, buning oqibati uzoq kuttirmasligini bildirdi.
"Tegishli chora ko‘rish uchun voqea tafsilotlarini aniqlayapmiz. Agarda gap rossiyaliklarning garovga olingani haqida boradigan bo‘lsa, bu xalqaro huquqning qo‘pol ravishda buzilishi bo‘ladi va buning oqibati uzoq kuttirmaydi", - deb bayonot berdi Rossiya TIV.
Avvalroq Ukraina Xavfsizlik xizmati tanker Kerch bo‘g‘ozidagi nizoda ishtirok etgani uchun ushlanganini xabar qilgandi.
