Bozordagi savdo do‘konida yirik o‘g‘irlik sodir etgan shaxs qo‘lga olindi

2019 yil 25 iyul kuni Jizzax viloyati Sharof Rashidov tumani Qulama QFYda yashovchi 41 yoshli A.S. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu kunga o‘tar kechasi noma'lum shaxs Jizzax shahri Xalqobod mahallasi hududida joylashgan “Eski shahar buyum” bozoridagi unga tegishli savdo do‘koni eshigi qulfini buzib kirib, u yerdan 15 700 000 so‘m pullari, 2 dona “Samsung” mobil plansheti, fuqaroligini  tasdiqlovchi hujjatlarini o‘g‘irlab ketganligini ma'lum qilgan.

Ko‘rilgan choralar natijasida ushbu jinoyatni Jizzax shahar O‘ratepalik mahallasi N.Safarov ko‘chasida yashovchi 47 yoshli A.I. sodir etganligi aniqlanib, ushlangan. 

Holat yuzasidan jinoyat ishi qo‘zg‘atilib, tergov harakatlari olib borilmoqda.