Braziliyada noma'lum shaxslar aeroportdan bir tonnaga yaqin oltinni o‘g‘irlab ketdi

Braziliyaning San-Paulu shahri aeroportida ishonish qiyin bo‘lgan o‘g‘irlik sodir etildi. O‘g‘rilar xalqaro aeroportdan 750 kg oltinni o‘marishning uddasidan chiqishgan, deb xabar qilmoqda Globo portali.

Noma'lum shaxslar aeroport hududiga politsiya kiyimini kiygan holda ikki avtomobilda kirib kelgan. Ular, shuningdek, og‘ir qurollangan bo‘lgan. 

Ular yuk terminaliga kirgach, Brink's kompaniyasining inkassatorlik furgonini o‘marib, juftakni rostlab qolishgan. O‘g‘irlangan oltin qiymati 30 mln AQSh dollari ekani aytilmoqda. 

Politsiya ma'lumotlariga ko‘ra, o‘g‘rilar 25 iyulda kerakli axborotni olish uchun terminal logistika amaliyoti rahbarining oilasini garovga olgan.